• 89.51
  • 97.5
  • 0.97

Пригородное айылындагы абал: Улуттук банк өзүн-өзү өрттөөгө аракет кылган аялдарга көмөк көрсөтүүгө даяр

Коом 0

Бишкек, 15.04.21. /Кабар/. Улуттук банкы өзүн-өзү өрттөөгө аракет кылган аялдар үчүн коммерциялык банктар менен сүйлөшүүлөрдү жүргүзүү үчүн аянтча уюштурууга даяр. Бул тууралуу журналисттерге Улуттук банктын өкүлү Мирлан Айтпасов билдирди.

Анын айтымында, бир нече күн мурун өкмөттүн коомдук кабылдамасында аппараттын өкүлүнүн катышуусунда жолугушуу өткөрүлгөн.

“Жолугушууда насыя берүүгө байланыштуу бардык маселелер каралды. Биз мындай маселелерди массалык түрдө чече албайбыз, ар бир иш өзүнчө каралышы керек деп билдиргенбиз. Арыз менен Улуттук банкка кайрылып, ар бир коммерциялык банк менен сүйлөшүүлөрдү жүргүзүү үчүн аянтчаларды уюштуруу сунушталган. Насыя берүүгө байланыштуу бардык маселелер объективдүү каралышы керек”, - деди ал.

Эскерте кетсек, буга чейин Чүйдүн Пригородное айылындагы айыл өкмөтүнүн имаратында аялдар өздөрүнө бензин куюп, өрттөйбүз деп коркутуп жаткандыгы айтылган.

Пикир

Оставить комментарий