Бишкек. 15.05.22. /Кабар/. Кыргызстандын президенти Садыр Жапаров бүгүн, 15-майда, Жамааттык коопсуздук келишим уюмуна (ЖККУ) мүчө мамлекеттердин башчыларынын жолугушуусуна катышуу үчүн Москвага келди. Бул тууралуу президенттин басма сөз кызматынан кабарлашты.
Мамлекет башчынын учагы «Внуково 2» эл аралык аэропортуна конду.
ЖККУга мүчө мамлекеттердин башчыларынын юбилейлик жыйыны 16-майда өтөт. Иш-чара Жамааттык коопсуздук келишиминин 30 жылдыгына жана ЖККУнун 20 жылдыгына арналган.
Пикир
Оставить комментарий