Бишкек, 22.03.19. /Кабар/. Салык төлөөдөн качып, 240,6 тонна бензинди газохол катары каттаган фирма аныкталды. Бул тууралуу Мамлекеттик салык кызматы билдирди.
Маалыматка ылайык, ал товар, мунайзат продукциясын мыйзамсыз ташып келүүгө бөгөт коюу боюнча иш-чаранын жүрүшүндө аныкталган.
"Күмөндүү мунайзат Чүй облусунун Кара-Балта шаарында жайгашкан мунайзат резервуарында сакталган. Товардын коштоочу документине ылайык, ал Казакстандан “К.Д.Б.” ЖЧКсынын дарегине газохол катары келип түшкөн. Ал лабораторияга жиберилип, талаптарга ылайык келген товар (АИ-92 бензини) экени аныкталган", - деп айтылат маалыматта.
Учурда, “К.Д.Б.” ЖЧКсынан алып келинген товардын акциздик салыгын өндүрүп алуу иштери жүрүүдө.
Пикир
Оставить комментарий