• 89.47
  • 96.43
  • 0.97

Салык кызматы ишкерлерге 10 миң гибриддик ККМди акысыз таратууда

Коом 0

Бишкек, 03.11.22. /Кабар/. Мамлекеттик салык кызматы ишкерлерге жаңы муундагы 10 миң гибриддик контролдук-кассалык машиналарды акысыз берүүгө киришти. Бул тууралуу ведомстводон билдиришти.

Маалыматка ылайык, ККМ бир катар себептерден улам кассалык аппараттарды өз алдынча сатып ала албаган ишкерлерге колдоо көрсөтүү максатында акысыз таратылууда.

Орнотулган POS-терминалы (төлөм карталарын төлөөгө кабыл алуу функциясы) жана кассалык чек принтери менен бул гибриддик ККМдер субъекттин ишкердик активдүүлүгү учурунда акысыз берилет.

ККМ аппаратын алуу үчүн салык төлөөчү экономикалык иш жүргүзгөн жери боюнча аймактык салык органына арыз бериши керек.

Белгилей кетсек, бүгүнкү күндө ККМди 54 миңден ашык ишкер колдонууда.

Пикир

Оставить комментарий