Бишкек, 15.01.19 /Кабар/. Кыргызстандын тоолуу райондорундагы автожолдордо кар көчкү түшүүсү жана кар күрткүсү күтүлөт. Жолдор тайгак болуп муз тоңот. Бул тууралуу ӨКМ басма сөз кызматы кабарлады.
16–18-январына чейин жаап өткөн жана күтүлүп жаткан жаан чачынга байланыштуу тоолуу райондорунда, Бишкек-Ош унаа жолунун 121-138-чакырымында (Төө-Ашуу ашуусу), 198-265-чакырымында (Ала-Бел ашуусу, Чычкан капчыгайы) кар көчкү түшүүсү күтүлөт.
Ушундай эле кырдаал Ала-Бука-Каныш-Кыя унаа жолунун 68-99-чакырымында (Чапчыма ашуусу), Красная-Горка-Ак-Таш унаа жолунун 1-4-чакырымында жана Мырзаке-Кара-Кулжа-Алайкуу унаа жолунун 65-90, 95-130-чакырымдарында күтүлөт.
Унаалардын ортосундагы 500 метр аралык кыймыл чектелиши зарыл.
Пикир
Оставить комментарий