• 84.8
  • 102.4
  • 1.15

Шри-Ланкадагы теракттан жаракат алгандардын арасында КР жарандары жок –ТИМ

Кырсык 0

Бишкек, 22.04.19. /Кабар/. Алдын ала маалыматтарга ылайык, Шри-Ланкада болгон теракттардын жыйынтыгында көз жумган жана жабыркагандардын арасында кыргыз жарандары жок. Бул тууралуу КРнын Тышкы иштер министрлигинин басма сөз кызматынан кабарлашты.

“Кечээ, 21-апрель күнү Шри-Ланка мамлекетинде болгон бир катар террористтик акттардын жыйынтыгында көз жумган жана жабыркагандардын арасында КРнын Индиядагы элчилигинин алдын ала маалыматы боюнча кыргыз жарандары жок”, - деп берилет маалыматта.

КРнын Индиядагы элчилиги абалды көзөмөлдөө боюнча иштерди улантууда.

Эске сала кетсек, ММКнын маалыматы боюнча Пасха майрамын өткөрүү маалында 3 чиркөө, 3 ммейманканада алты жардыруу болгон. Андан кийин аралдын батыш жагында жана Коломбо шаар чекесиндеги турак жай комплексинде дагы эки жардыруу болгон. Жыйынтыгында 290 адам көз жумуп, 500дөн ашуун адам жаракат алган.

Пикир

Оставить комментарий