Сирияда атайын даярдыктан өтүп келген кыргыз жараны кармалды

Бишкек, 13.02.19 /Кабар/. Сириядан келген эл аралык террористтик уюмдун мүчөсү кармалды. Бул тууралуу Улуттук коопсуздук боюнча мамлекеттик комитет кабарлады.

28 жаштагы Р.У. 9-февралында кармалганы айтылат.

Маалыматка ылайык, 2014-жылы Р.У. чет өлкөдөгү диний мекемелерден билим алып жатып, эл аралык террористтик уюмдун көзөмөлүнө түшүп, кийин үй-бүлөөсү менен Сирияга кеткен.

Р.У. террористтик уюмдун лагерлеринин биринен машыгуудан өтүп, Сирия өкмөтүнө каршы согуштук аракеттерге катышкан.

Бул факт боюнча кылмыш иши козголду. Кармалган адам камакка алынды. Тергөө жүрүп жатат.