Бишкек, 09.12.21. /Кабар/. Кечээ, 8-декабрда Сокулук районундук ички иштер бөлүмунүн жетекчиси Кызыл-Туу айылында жергиликтүү жашоочулар менен жолугушуу өткөрүдү. Бул тууралуу Чүй облустук милициясынын басма сөз кызматы билдирет.
Маалыматка ылайык, жолугушууга райондук мамлекеттик администрация башчысы, Сокулук РИИБдүн жетекчиси, Кызыл-Туу айыл аймагынын башчысы жана жергиликтүү жашоочулар катышты.
Ошол эле күнү саат 17:00 чамаларында Күн-Туу айылындагы тургундар менен дагы жолугушуу болду. Анда жергиликтүүлөргө Сокулук РИИБдүн кызматкерлери тарабынан аткарылган жумуштар тууралуу маалымат жана 2021-жылдын 1-декабрында күчүнө кирген кодекстер боюнча түшүндүрмөлөр берилди.
Иш-чара суроо-жооп ирээтинде жүргүзүлүп, жеригиликтүү жашоочулар бийлик өкүлдөрү менен РИИБдин жетекчилерине суроолорду узатышып, жоопторду алышууга мүмкүнчүлүк түзүлдү.
Жыйынтыгында мындай жолугушуулар Сокулук районунун бардык айылдарында өткөрүлөөрү белгиленди.
Пикир
Оставить комментарий