Бишкек, 14.12.21. /Кабар/. Сокулукта баңгизатын сактоого шектүү жаран кармалды.
Чүй облустук милициясынын басма сөз кызматы билдиргендей, 2021-жылдын 11-декабрь күнү Сокулук РИИБнин кызматкерлери тарабынан, аял киши өзү жашаган үйүндө баңгизатын сактап жүргөндүгү тууралуу ыкчам маалымат алынып, анын өздүгүн тактоо жана кармоо боюнча иш-чаралар жүргүзүлгөн.
Милиция кызматкерлери тарабынан жүргүзүлгөн ыкчам иш-чаралардын натыйжасында Бишкек шаарына караштуу Орок жаңы конушундагы 29 жаштагы Т.Э.нин үйүнүн уктоочу бөлмөсүнөн кочкул-күрөң түстөгү өзгөчө жыты бар зат алынган.
Экспертизанын жыйынтыгында жогорудагы зат героин (диацетилморфин) баңгизаты экени аныкталып, салмагы 66 граммдан ашкан.
Бул факты кылмыштардын бирдиктүү реестрине КР Жазык кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) боюнча катталып, кармалган жаран убактылуу кармоочу жайга камакка алынган.
Сотко чейинки өндүрүш иштери жүргүзүлүүдө.
Пикир
Оставить комментарий