Сокулукта күйүп кеткен вагондун ичинен эркек кишинин сөөгү табылды

Бишкек, 07.03.22. /Кабар/. Чүйдүн Сокулук районунда күйүп кеткен вагондун ичинен эркек кишинин сөөгү табылды.

Өзгөчө кырдаалдар министрлигинен билдиришкендей, Западное айылында аянты 24 чарчы метр болгон вагон толугу менен күйгөн.

Өрттүн кесепетинен орус улутундагы 51 жаштагы П.С. аттуу эркек кишинин сөөгү табылып, милиция кызматкерлерине өткөрүп берилген.

Өрттүн себеби такталууда.

Белгилей кетсек, сутка ичинде республиканын аймагында жети өрт кырсыгы катталып, өрттү өчүрүүгө тогуз бөлүм тартылган.