Сутка ичинде өлкө боюнча 127 медкызматкер коронавирус жуктуруп алды

COVID - 19 0

Бишкек, 12.07.20. /Кабар/. Сутка ичинде өлкө боюнча 127 медкызматкер коронавирус жуктуруп алды. Бул тууралуу Республикалык штабдан билдиришти.

Маалыматка ылайык, Бишкек шаарында 51, Чүй облусунда 44, Ош шаарында 12, Ош облусунда 4, Ысык-Көл облусунда 5, Жалал-Абад облусунда 1, Баткен облусунда 7, Талас облусунда 3 медкызматкер илдетке кабылды.

“Ал эми бир суткада 6 медициналык кызматкер ооруканалардан айыгып чыкты. Жалпысынан республика боюнча COVID-19 диагнозу менен медициналык кызматкерлер арасында 1656 учур катталды, алардын ичинен 552 медкызматкер стационарлардан айыгып чыккан”, - деп айтылат билдирүүдө.

Белгилей кетсек, азыркы тапта өлкөдө коронавирус жуктурган учурлардын саны 10629га жетти. Алардын ичинен 1656сы медицина кызматкери. Илдеттен 3387 жаран айыкса, коронавирус жуктурган 132 адам каза болду.

Пикир

Оставить комментарий