Түркиядагы жер силкинүүдөн каза болгондордун саны 110 адамга жетти

Дүйнө 0

Бишкек, 04.11.20. /Кабар/. Түркиянын Измир шаарындагы жер титирөөдөн каза болгондордун саны 110 адамга жетти. Бул тууралуу өлкөнүн президенти Тайип Эрдоган маалымат жыйын учурунда билдирди.

Буга чейин 107 адам каза болгону айтылган.

"Измирдеги жер титирөөдөн кийин урандылардын астында калган 110 адамдын сөөгү табылды. 1 миң 27 адам жабыркады. Издөө иштери дагы да улантылат", - дейт президент.

Эскерте кетсек, Түркиянын батышында 30-октябрда күчү 6,6 баллга жеткен жер силкинүү болгон.

Пикир

Оставить комментарий