Түркмөнстан 2019-жылы Россияга 300 млн долларга газ саткан

ММК БА ТУУРАЛУУ 0

Бишкек, 12.06.20. /Кабар/. Россия 2019-жылы 300 млн долларга түркмөн газын импорттоду. Бул тууралуу “Рейтерс” агенттиги Россиянын Ашхабаддагы элчиси Александр Блохинге шилтеме берүү менен билдирди.

2019-жылы июлда Түркмөнстан газ жеткирүү боюнча Россия менен беш жылга келишим түзгөн. Келишимдин алкагында Россия жыл сайын 5,5 млрд куб метр түркмөн газын алып турат. Бирок газдын баасы ушуга чейин айтылган эмес.

Ошол эле маалда россиялык дипломат былтыр жалпысынан канча көлөмдө түркмөн газы импорттолгонун так айткан жок.

Түркмөнстан газын негизинен Кытай сатып алат. Бирок коронавирус пандемиясынан улам марттын башында Пекин форс мажор жарыялап, көгүлтүр отунду сатып алууну азайткан.

Пикир

Оставить комментарий