Таиланддын Премьер-министри Абылгазиевди Өкмөт башчы кызматына дайындалышы менен куттуктады

Бишкек, 05.05.18. /Кабар/. Таиланд Падышалыгынын Премьер-министри Чан-о-ча Мухаммедкалый Абылгазиевди Кыргыз Республикасынын Премьер-министри кызматына дайындалышы менен куттуктады. Бул тууралуу өкмөттүн аппаратынын коомчулук жана ЖМК менен байланыш боюнча бөлүмү билдирди.
«Мен Сиздин жетекчилигиңиз астында Таиланд Падышачылыгы жана Кыргыз Республикасы ортосундагы кызматташтык жана достук мамилелер өнүгүп-өсөөрүнө ишеним билдирем», - деп айтылат куттуктоо катында.