Бишкек, 22.01.20. /Кабар/. Ташкент шаарынын (Өзбекстан) Яккасарай районунда асман тиреген 50 кабаттуу эки имарат курулат. Бул тууралуу Өзбекстандын телеграф агенттиги жазат.
"Яккасарай кичи өнөр-жай аймагында Day and Night ("Күн жана түн") инвестициялык долбоорунун алкагында 50 кабаттуу эки имарат жана 16 соода, турак жана маданий павильон курулат", - деген Ташкент шаарынын мэринин орун басары Шароф Рахманов.
Бул долбоорду түркиялык компания иштеп чыккан. Ал 1 млрд долларга бааланууда. Долбоорду ишке ашыруу үчүн үч жыл кетери айтылат.
Рахманов белгилегендей, бул ишкер борбордун жылдык кирешеси 500 млн долларды түзмөкчү. Анда 20 миң жумушчу оруну түзүлөт.
Пикир
Оставить комментарий