Бишкек, 28.04.21. /Кабар/. Тажикстандын Жарандык авиация агенттиги Россиянын төрт авиакомпаниясы чартердик каттамдардын билеттерин арзандатканын билдирди.
Мекеменин маалыматына караганда, бүгүнкү күндө авиабилеттер 8 миң 500 сомониден (752 доллар) жогору эмес баада сатылууда.
Буга чейин Россияга учуп кетүүнү каалаган жарандар чартердик каттамдарга билеттер 10-17 миң сомониден сатылып жатканына даттанышкан.
Мекеменин маалыматына караганда, 27-апрелде «Урал аба жолдору», UTair, «Сибирь» жана «Түндүк шамалы» авиакомпаниялары чартердик каттамдарга авиабилеттерди арзандатты.
Ал ортодо тажик жарандары авиакассаларда Россияга билеттер жок болуп жатканына даттанышууда.
Россия 1-апрелден тартып Тажикстан менен авиабайланышты калыбына келтирген. Бүгүнкү күндө туруктуу каттамдар жумасына эки жолудан гана аткарылууда.
Пикир
Оставить комментарий