Бишкек, 17.12.18. /Кабар/. Кыргызстанда Тажикстандан аткезчилик жол менен келе жаткан кургатылган мөмө-жемиштердин чоң партиясы кармалды. Бул тууралуу КРнын Мамлекеттик бажы кызматынын басма сөз кызматынан кабарлашты.
Маалыматка ылайык, Ош облусунун Ноокат районунун Он эки-Бел айылындагы бажы кызматынын кызматкерлери тарабынан Евразиялык экономикалык бирикменин аймагына мыйзамсыз, аткезчилик жол менен кирген азыктарды жана унааларды текшерүү жана аныктоо максатында жүргүзүлгөн иш-чаранын жыйынтыгында А.Т. аттуу айдоочу башкарган “MANTGA 26.430” үлгүсүндөгү унаа кармалган.
Текшерүүлөрдүн жыйынтыгында, ЕАЭБдин аймагына бажы көзөмөлүнүн талаптарын бузуу менен Тажикстандан келе жаткан кургатылган мөмө-жемиштер бар экендиги аныкталган.
Кармалган жүктүн баасы 943 миң 420 сомду түзөт.
Бул факт боюнча бардык материалдар Ош облусунун прокуратурасына өткөрүлүп берилген.
Пикир
Оставить комментарий