Тажикстандын транспорт министри өз өмүрүн кыюуга аракет кылган

ММК БА ТУУРАЛУУ 0

Бишкек, 11.08.20. /Кабар/. Тажикстандын транспорт министри Худоёр Худоёрзода өз өмүрүн кыюуга аракет кылгандан кийин ооруканага жеткирилди.

Башкы прокуратура окуя 11-август күнү эртең менен үй-бүлөлүк жаңжалдан улам болгонун билдирди.

Маалыматта 62 жаштагы Худоёр Худоёрзода үй-бүлөлүк жаңжалдан улам бычак менен өзүнө кол салганы айтылат.

Уруш чыккан маалда аялы жана башка үй-бүлө мүчөлөрү үйдө болгон, алар биринчи медициналык жардам көрсөтүшкөн.

Ушул тапта министр «Истиклол» ооруканасында, ага операция жасалды. Абалы канааттандырарлык. Бул факт боюнча кылмыш иши козголуп, иликтөө иштери башталды.

Пикир

Оставить комментарий