Бишкек, 25.12.19. /Кабар/. Бүгүн, 25-декабрь күнү Ысык-Көл облусунун Тоң районунда №38 өрт-куткаруу бөлүгүнүн жаңы имараты ишке берилди. Бул тууралуу Өзгөчө кырдаалдар министрлигинин басма сөз кызматынан билдиришти.
Иш-чарага Өзгөчө кырдаалдар министринин орун басары Калыс Ахматов, министрликтин Ысык-Көл облусу боюнча башкармалыгынын өздүк курамы, жергиликтүү бийликтин өкүлдөрү катышкан.
Министрликтен белгилешкендей, бөлүктө 2 даана ѳрт ѳчүрүүчү автоунаа жана 1 авариялык куткаруу автоунаасына тийиштүү шаймандар бар. Курулуш иштерине жалпы 1 млн 740 миң 200 сом сарпталган.
Эскерте кетсек, 13-декабрь күнү Ош шаарында №29, 24-декабрь күнү Талас облусунун Манас районунда №100 өрт-куткаруу бөлүктөрү, ошондой эле Бишкек-Ош жолунун 154-чакырымындагы куткаруу бөлүгүнүн ачылышы болгон.
Пикир
Оставить комментарий