Бишкек, 20.11.18. /Кабар/. КР ӨКМнин Тогуз-Торо райондук өзгөчө кырдаалдар бөлүмү тарабынан Жарандык коргонуу кызматтарынын башкаруу органдары жана айыл аймактардын ыктыярдуу куткаруу кызматтары менен пландан тышкары штабдык машыгуу өткөрүлдү.
ӨКМден кабарлашкандай, машыгууда Жарандык коргонуу байланыш жана кабарлоо кызматы аркылуу машыгуунун башталышы боюнча кабар берилип, катышуучуларды жыйынга катышуусу толук камсыздалды.
"Практикалык бөлүгүндө Казарман айылын аралап өтүүчү Жырма жана Чарабай сел каналдарында таштандыларды жана өскөн камыштарды тазалоо атайлап тосулган тосмолорду тазалап жаз мезгилиндеги суу агымын тоскоолдуксуз агызып өткөрүү боюнча алдын алуу иш-чаралары аткарылды", - деп айтылат маалыматта.
Пикир
Оставить комментарий