Бишкек, 04.12.20. /Кабар/. Дыйкандар электрондук биржадан алгач кумшекерди сата башташат. Бул тууралуу "Кабар" агенттигиндеги маалымат жыйында айыл чарба, тамак-аш өнөр жайы жана мелиорация министри Тилек Токтогазиев билдирди.
Эскерте кетсек, фермерлерди колдоо жана продукциянын дүйнөлүк рынокторго чыгуусуна мүмкүнчүлүк түзүү максатында Айыл чарба, тамак-аш өнөр жайы жана мелиорация министрлиги менен "Кыргыз фондулук биржасы" ЖАКынын ортосунда кызматташуу жөнүндө келишимге кол коюлган.
Токтогазиевдин айтымында, биржа дыйкандар үчүн түздөн-түз өз продукциясын сатууга мүмкүнчүлүк түзөт.
"Биржада сатуучу жана алуучу гана болуп, ортомчулар жок болот. Бул практика дүйнөдө болуп келген. Азыр бизде пилоттук режимде кантты сатуудан башталат", - дейт ал.
Электрондук биржалык соодалашуунун катышуучулары жеке жана юридикалык жактар, Кыргыз Республикасынын резиденттери жана резидент эместери боло алышат. Катышуучулар биржада бардык операцияларды трейдерлер аркылуу жүргүзүшөт. Биржада каттоо жана аккредитация акысыз.
Пикир
Оставить комментарий