Тоннасына 8500 сом. Кыргызстандын кайсы аймагында көмүр кымбат – баалар

Бишкек, 21.10.19. /Кабар/. Кыргызстанда өткөн жуманын ичинде көмүрдүн орточо республикалык баалары бир тонна үчүн 4524 сомду түзүп, тоннасына 27,04 сомго же 0,6% жогорулаган. Бул тууралуу КР Улуттук статистика комитетинин басма сөз кызматы билдирет.

Ведомствонун маалыматы боюнча, чекене баалардын күн сайын жүргүзүлүүчү мониторингинин маалыматтарынын негизинде республиканын 18 калк жашоочу пункттары боюнча 2019-жылдын 17-октябрына карата көмүрдүн орточо керектөө бааларынын талдоосу жүргүзүлгөн.

Аймактардын тиги же бул калк жашаган аймактарынын рынокторунда көмүрдүн чекене бааларынын олуттуу дифференциясы байкалды. 2019-жылдын 17-октябрына карата абалы боюнча көмүрдүн максималдуу орточо керектөөчү баалары Баткен шаарында (тоннасына – 8500 сом), Кара-Суу шаарында (тоннасына – 7745,97 сом) жана Ноокат шаарында (тоннасына – 6986,64 сом) катталды. Ушул эле учурда, минималдуу чекене баалар Чаек айылында (тоннасына – 2500 сом), Нарын шаарында (тоннасына – 3646,92 сом) жана Балыкчы шаарында (тоннасына – 3694,59 сом) байкалды.

Көмүрдүн чекене баалары Баткен шаарында – тоннасы 1500 сомго жогорулады.

Таблица: Кыргыз Республикасынын айрым калк жашоочу пункттарында көмүрдүн орточо керектөөчү баалары
(бир тонна, сом)