Бишкек, 12.12.18. /Кабар/. Жалал-Абад облусунун Токтогул районундагы Торкент айылында маданият үйү өрттөндү. Бул тууралуу Өзгөчө кырдаалдар министрлиги билдирди.
Маалыматка ылайык, 11нен 12-декабрга караган түнү саат 01:44 чамасында өрт тууралуу кабар келип түшкөн. Кабар түшөөр замат өрт өчүрүүгө 3 бөлүм тартылган. Өрттүн кесепетинен болжол менен имараттын 455 чарчы метр аянты күйгөн.
Ал маданият үйү 1948-жылы курулуп, чатыры жыгач, дубалы чийки кыштан тургузулган. Маданият үйүнүн 1 бөлмөсү китепкана катары колдонулуп, өрттө анын ичиндеги 11 700 китеп, мүлктөрү толугу менен күйүп кеткен.
Учурда ӨКМдин адистери өрттүн келип чыгуу себебин жана андан келтирилген материалдык зыянды тактоодо.
Пикир
Оставить комментарий