Бишкек, 05.02.19 /Кабар/. Бишкектин четиндеги "Манас" аэропортунда бомба бар деген билдирүү чет өлкөдөн келген. Бул тууралуу Улуттук коопсуздук боюнча мамлекеттик комитет кабарлады.
Бүгүн саат 14:41 белгисиз бирөөлөр аэропорттун электрондук почтасына имаратта таймери бар бомба коюлгандыгы тууралуу кат жөнөтүшкөн.
Жүргүнчүлөр менен кызматкерлер коопсуз жерге чыгарылган.
Милициянын жана УКМКнын кызматкерлери аэропорттун аймагында издөө-иликтөө иштерин жүргүзүп, кандайдыр бир жардыргыч зат табышкан эмес.
Азыр аэропорт штаттык режимде иштөөдө.
Учурда укук коргоо органдары шек жараткан адамдарды жана ага тиешеси барларды издеп жатат.
Пикир
Оставить комментарий