Бишкек, 20.09.19. /Кабар/. Украинанын Одесса шаарындагы мектептин ашканасында 50дөн ашык окуучу тамак-ашка ууланып ооруканага кайрылган. Бул тууралуу Украинанын Өзгөчө кырдаалдар мамлекеттик кызматынан билдиришкенин РИА Новости жазып чыкты.
"15-19-сентябрь күндөрү шаардык жугуштуу ооруканага болжол менен "тамактан уулануу" диагнозу менен 53 окуучу кайрылган. Окуучулар Одесса шаарындагы №11-мектептин ашканасында тамактангандан кийин ууланган", - деп айтылат маалыматта.
Бүгүнкү күнгө карата ооруканада 5 окуучу жатат.
Эпидемияга каршы комплекстик иш-чаралар жүргүзүлүүдө.
Пикир
Оставить комментарий