Бишкек, 16.04.20. /Кабар/. Саламаттык сактоо министрлиги Улуттук онкология жана гематология борборунун балдар онкологиясы жана гематология бөлүмүндөгү залалдуу шишиктерге каршы дары-дармектердин абал тууралуу маалымат берди.
Балдар онкологиясы жана гематология бөлүмүндө залалдуу шишиктерге каршы төмөнкү дары-дармектер бар:
- циклофосфан;
- аспарагиназа;
- ритуксимаб;
- карбоплатин;
- иринотекан;
- этопозид;
- цисплатин;
- филграстим;
- меркаптопурин;
- винкристин.
"Ошондой эле коштоочу терапия үчүн дары-дармек каражаттар жана медициналык багыттагы буюм-тайымдар бар.Ифосфамид, дактиномицин, даунорубицин Жогорку технологиялар фонду аркылуу сатылып алынган, тендер 2019-жылдын декабрында өткөн. Чек аралар жабылгандыктан, дары-дармектерди алып келүү кечиктирилүүдө. Метотрексат, циторабин, адриабластин, урометоксан дары-дармектерине билдирмелер боюнча фармкомпаниялардан сунуштар келген эмес", - деп билдирет штаб.
Штабдан белгилешкендей, балдар онкологиясы жана гематология бөлүмүндө түзүлгөн кырдаалга байланыштуу Улуттук онкология жана гематология борборунун жетекчилиги бардык фармкомпанияларга, дары-дармектер бар болсо же аларды (метотрексат, циторабин, адриабластин, ифосфамид, урометоксан, дактиномицин, даунорубицин) кыска мөөнөттө алып келүү мүмкүнчүлүгү болсо түз келишим түзүү жолу менен сатып алууга көмөк көрсөтүү боюнча кайрылат.
Пикир
Оставить комментарий