• 89.47
  • 96.56
  • 0.97

Викрам Рузахунов Кыргызстанга кайтып келди

Коом 0


Бишкек, 10.01.22. /Кабар/. Казакстанда кармалган кыргызстандык Викрам Рузахунов мекенине кайтып келди.

Бүгүн жергиликтүү убакыт боюнча саат 18:40тар чамасында "Ак-Жол" посту аркылуу чек арадан өттү. ЖМК өкүлдөрү жана активисттер постто бир нече саат бою анын келишин күтүп жатышкан, бирок аны менен жолугуп, сүйлөшө алышкан жок. Викрам Рузахуновду консулдук унаа менен алып кетишти.

Белгилей кетсек, буга чейин Казакстандын жалпыга маалымдоо каражаттары митингге катышуу үчүн Кыргызстандан келгенин айтып берип жаткан адамдын видеосун таратышкан. Анын сөзү боюнча белгисиз адамдар митингге катышуусу үчүн ага 90 миң тенге сунушташкан.

Кыргызстанда видеодогу адам таанылып, ал КР жараны Викрам Рузахунов экендиги аныкталды. Ал пианист, аранжировкачы жана “Джаз_Бишкек_Весна” фестивалынын аткаруучу директору болгон.

Туугандарынын маалыматы боюнча, кыргызстандык джаз музыканты Викрам Рузахунов Алматыга тез-тезден сапарга барып турган. Жакында ал концерттик программаны алып баруу үчүн Алматыга чакырылган. Алматыга баруу үчүн билет 2021-жылдын 16-декабрында сатылып алынган жана Алматы шаарына 2-январь күнү 20:00дө учуп кеткен.

"Аэропортко аны энеси Кундузхан Розахунова менен Кундузхандын небереси Бишкекте ИПАМ компаниясында программист болуп иштеген Аскат Сериков коштоп барган. Алар Казахстанда эч кандай туугандары жоктугун маалымдап, Алматыга концерттик программаларды жана музыкалык фестифалдарга катышууга гана барып жүргөндүгүн билдиришкен", - деп белгилешти министрликтен.

Пикир

Оставить комментарий