Вице-премьер-министр Аскаров Ош облусунда жумуш сапары менен жүрөт

Өкмөт 0

Бишкек, 08.06.19. /Кабар/. Вице-премьер-министр Замирбек Аскаров эки күндүк жумуш сапары менен Ош облусунда жүрөт. Бул тууралуу өкмөттүн аппаратынын маалыматтык камсыздоо бөлүмү билдирди.

Сапардын биринчи күнүндө вице-премьер-министр быйылкы жылы Ош шаарында ачылган аялдар жана эркектер кийимин тигүүчү «Кыргыз Текстиль ЛТД» фабрикасынын курулушу менен таанышкан.

Андан соң, ал 2010-жылы өрттөнүп кеткен Ош жашылча-жемиш комбинатына барды. Мурда ишкана жашылча жана жемиш консерваларын чыгарчу.

Мындан тышкары Замирбек Аскаров Араван районунун Чек-Абад айылындагы «Долгое будущее» ЖЧК жашылча комбинатынын ачылышына катышты. Комбинат Кытай Эл Республикасына жергиликтүү гилас жемишин экспорттойт.

Ошондой эле, вице-премьер-министр «Насос завод-5» ЖЧК ишканасынын иши менен таанышкан.

Азыркы тапта анда 70ге жакын адам иштейт. Ишкананы өнүктүрүү үчүн 1 млн. 560 миң АКШ доллары өлчөмүндө кошумча инвестиция зарыл. Инвесторлордун салымы 440 миң АКШ долларын түзөт.

Вице-премьер-министр белгилегендей, Кыргыз Республикасынын өкмөтү Чек-Абад айылындагы жашылча-жемиш комбинатына жана «Насос завод-5» насос заводуна кыйла натыйжалуу иштөөсү үчүн финансы каражаттарынын бөлүнүп берилүүсүнө кол кабыш кылат.

«Бул ишканалар өнүгүү үчүн финансы каражаттарына муктаж. Бул максатта алар деталдуу бизнес-план иштеп чыгып, аны өкмөткө сунуштоосу керек. Бул сунуштарды карап чыгып, алардын ишин каржылоого кол кабыш кылабыз», – деди Замирбек Аскаров.

Белгилей кетсек, ишкана мунайзат бургулоо скважиналарынын жабдуулары үчүн тетиктерди чыгарат. «Ошэлектр» ААК менен келишимдин алкагында ишкана траверстерди, муфталарды жана ар түрдүү модификациядагы электр шкафтарын өндүрөт.

Пикир

Оставить комментарий