Бишкек, 04.09.20. /Кабар/. 2020-жылдын 8 ай ичинде Ысык-Көл облусу боюнча 151 өрт кырсыгы катталып, өткөн жылга салыштырмалуу өрттөр 29,1 пайызга азайган. ӨКМдин басма сөз кызматынан кабарлашкандай, 2019-жылы ушул мезгилде облус боюнча жалпы 213 өрт катталган.
"Өрттөн болгон материалдык чыгымдар 42 миллион сомдон ашык түздү (2019-жылы 14 млн сомдон ашык), өрттөн 1 адам каза тапты", - деп айтылат маалыматта.
Тилсиз жоодон эки адамдын өмүрү жана 127 млн сомдон ашык товардык материалдык баалуулуктар сакталып калган.
Облустагы өрттөрдүн негизги себептери:
-отко этиятсыздык менен мамиле кылуу - 25 өрт, 16,6 %,
-электр жабдууларын колдонуудагы этиятсыздыктан - 36 өрт, 23,8 %,
-мештерди жана морлорду этиятсыздык колдонууда - 8 өрт, 5,3 %,
-балдардын от менен ойноосунан - 9 өрт, 6 % өрт кырсыгы болду.
Өрттүн жалпы санынан - 26,5 % турак жай секторунда болгон.
Пикир
Оставить комментарий