Бишкек, 06.07.22. /Кабар/. Ысык-Көл районунун Григорьевка айылында 140 орундуу бала бакчанын курулушу башталды. Бул тууралуу Ысык-Көл облусун өнүктүрүү фондунан билдирди.
Маалыматка ылайык, жаңы курулуштун пайдубалына капсула салуу аземине аталган фонддун директору, жергиликтүү бийлик өкүлдөрү жана айыл тургундары катышты.
"Курулуш толугу менен Ысык-Көл облусун өнүктүү фондусунан каржыланат. Жалпы тендерлик баасы 73 млн 525 миң сом. Бала бакча 2 кабаттан туруп, 140 орундуу болмокчу. Ошондой эле бардык керектүү эмеректер жана жабдыктар менен камсыз болот", - деп айтылат маалыматта.
Белгиленгендей, имараттын курулушу жергиликтүү бийликтин сунушунун негизинде колдоого алынган.
Пикир
Оставить комментарий