Бишкек, 13.07.20. /Кабар/. Ысык-Көл жана Лейлекте жер титирөө катталды, - деп билдирет КР ӨКМдин басма сөз кызматы.
КР Сейсмология институтунун маалыматына ылайык, күн мурун, 12-июль күнү саат 23:46да Ысык-Көл облусунун аймагында жер титирөө катталып, очогунда күчү 3,5 баллга жеткен.
Жер титирөө Жети-Өгүз районунун Оргочор, Подгорное, Кызыл-Суу айылдарында 3,5 балл, Жети-Өгүз, Саруу, Мундуз айылдарында 3 балл, Жети-Өгүз районунун Дархан айылында жана Каракол шаарыда 2,5 баллга чейин сезилген.
Жер титирөөдөн жабыркагандар жана кыйроолор катталган жок.
Ошондой эле бүгүн, 13-июль күнү саат 01:05те Кыргыз Республикасы менен Тажик Республикасынын чегинде очогунда күчү 3 баллга жеткен жер титирөө катталган.
Жер титирөө Лейлек районунун Алга, Жеңиш, Ак-Суу айылдарында 2 баллга чейин сезилген.
Жер титирөөдөн жабыркагандар жана кыйроолор катталган жок.
Пикир
Оставить комментарий