Бишкек, 03.02.22. /Кабар/. Ысык-Көлдө 3 миң метр браконьерлик тор табылганын облустук ички иштер башкармалыгынын басма сөз кызматы билдирди.
Ысык-Көл облустук ички иштер башкармалыгынын туристтик жана экологиялык милиция кызматкерлери Биосфералык аймактын башкы дирекциясынын кызматкерлери менен биргеликте Ысык-Көлдүн суу бетин браконьерлик тордон тазалоо иштерин жүргүзүштү.
Рейддин жүрүшүндө суудан жалпы узундугу 3 миң метрди түзгөн 30 даана синтетикалык балык уулоочу торлор табылып, тазаланды. Алардан 5 балык жана 10 жапайы өрдөк табылган.
Табылган шаймандар белгиленген тартипте жок кылынды.
Пикир
Оставить комментарий