Бишкек, 09.09.22. /Адил Төлөгөнов - Кабар/. Ысык-Көлдө чоңдор жана балдар арасында триатлон боюнча эл аралык мелдеш өтөт. Бул тууралуу Кыргызстандын триатлон боюнча федерациясынан билдиришти.
Спорттук иш-чара 16-18-сентябрда өтүп, ага Борбор Азия өлкөлөрүнөн 300дөй спортчу катышканы турат.
16-сентябрда спортчулар орто аралыкта күч сынашат: 1,9 чакырымга сууда сүзүү, 90 чакырымга велосипед тебүү жана 21,1 чакырымга чуркоо.
17-сентябрда 12-15 жаштагы балдар Борбор Азиянын кубогу үчүн жарышат: 2 чакырымга чуркоо, 8 чакырымга велосипед тебүү жана 1 чакырымга кайра чуркоо. Ошондой эле өспүрүмдөр арасында 5 чакырымга чуркоо, 20 чакырымга велосипед тебүү жана 2,5 чакырымга чуркоо боюнча мелдеш өтөт.
Ал эми 18-сентябрда ышкыбоздор арасында каалаган аралыкта жарыштар өткөрүлөт.
Триатлондун жеңүүчүлөрүнө иш-чаранын демөөрчүлөрү жана өнөктөштөрү тарабынан байгелер берилет.
Пикир
Оставить комментарий