Бишкек, 17.03.23. /Кабар/. Ысык-Көлдөгү “Радуга+” пансионатында мыйзамсыз курулуштар бузулду. Бул тууралуу Мамкурулуш агенттиги билдирет.
Маалыматка ылайык, текшерүүнүн жүрүшүндө “Радуга+” пансионатынын аймагында сауналардын (ысык кургак абасы бар мончо) мыйзамсыз курулгандыгы аныкталган.
“Мыйзамдарга ылайык административдик айып салынып, пансионаттын ээсинин эсебинен имаратты демонтаждоо жөнүндө акт түзүлгөн”, - деп белгилешти ведомстводон.
Мамкурулуш агенттиги архитектура жана шаар куруу жаатындагы КР мыйзамдарын так сактоону өтүнөт. Ведомство мыйзамсыз курулуш фактыларына бөгөт коюу боюнча активдүү иштерди улантууда.
Пикир
Оставить комментарий