Бишкек, 02.05.23. /Кабар/. Өзбекстандын Борбордук шайлоо комиссиясы 30-апрелдеги референдумда кабыл алынган Конституция күчүнө киргенин жарыялады.
БШКнын маалыматына караганда, тиешелүү мыйзам 2023-жылы 1-майда күчүнө кирди.
Мурдараак Боршайком жекшембиде өткөн референдумга шайлоочулардын 84,54 пайызы катышканын, алардын 90,21 пайызы жаңы Конституция үчүн добуш бергенин билдирген.
Баш мыйзамдын 106-беренесине ылайык, президенттик мөөнөт эми беш жылдан жети жылга узартылат. Муну менен президент Шавкат Мирзиёев дагы эки жылдык мөөнөткө шайлана алат.
2016-жылы бийликке келген Мирзиёев 2021-жылдын ноябрында ошол учурдагы Конституцияга ылайык, экинчи мөөнөткө шайланган. Анын азыркы мөөнөтү 2026-жылы аякташы керек эле.
Пикир
Оставить комментарий