Өзбекстанда Навоинин 580 жылдыгына карата мобилдик тиркеме иштелип чыкты

Бишкек, 10.02.21. /Кабар/. Өзбекстанда ойчул Алишер Навоинин 580 жылдыгына карата “Навоиден 100 бермет” аталышындагы мобилдик тиркеме иштелип чыкты.

Жергиликтүү басылмалар билдиргендей, тиркеменин авторлору – Ташкенттеги Амити университети менен Ташкент Чыгыш таануу университетинин студенттери жана бүтүрүүчүлөрү.

Мобилдик тиркеме жакында App Store менен Play Market тиркемелеринде жеткиликтүү болот. Ал жерден Навоинин эң мыкты 80 казалы менен 20 рубаисин текст жана аудио формат түрүндө табууга болот. Тиркемеде интерактивдүү оюндар да бар.

Өзбекстанда 9-февралда Алишер Навоинин 580 жылдыгына арналган иш-чаралар өттү.