Жаңы жумуш орундарын түзүү боюнча Баткен облусу алдыга чыкты – статистика

Бишкек, 24.05.19. /Кабар/. Кыргызстанда 2019-жылдын январь-март айлары аралыгында ишкана, уюмдарда жалпысынан 1,7 миңге жакын жаңы жумуш орундары түзүлгөн

КР Улуттук статистика комитети билдиргендей, 517 жумуш орду кичи ишканаларда ачылган.

Эң көп жаңы жумуш орду билим берүү тармагында (19%), соода, каржылык ортомчулук жана камсыздандыруу тармагында дээрлик 17%.

Бишкек шаарында 972 жумуш орду түзүлгөн, Ош – 167. Облустар арасында Баткенде - 169, Талас - 111, Жалал-Абад - 44, Ош облусунда - 38, Ысык-Көл - 22, Чүй 19, Нарын - 17.