Бишкек, 15.12.21. /Кабар/. Чүй облусунун ички иштер орган кызматкерлеринин жергиликтүү жашоочулар менен жолугушууларын өткөрүүнүн алкагында Жайыл РИИБдин башчысы Чыңгыз Керимкулов Сары-Коо айыл өкмөтүнө караштуу 6 айылдын жана Кызыл-Дыйкан айыл өкмөтүнө караштуу 2 айыл жашоочулары менен жолугушууларды өткөрдү.
Чүй облустук милициясынын басма сөз кызматынан билдиришкендей, аталган жолугушууга райондук мамлекеттик администрация жана жергиликтүү бийлик өкүлдөрү, ошондой эле жергиликтүү тургундар катышкан.
Иш-чарада жергиликтүү жашоочуларга милиция кызматкерлери тарабынан аткарылган жумуштар, милициянын көчмө кабылдамасы менен өткөрүлгөн жолугушуулар, андагы чечилген маселелер тууралуу маалымат берилди.
Андан тышкары, үстүбүздөгү жылдын 1-декабрында күчүнө кирген кодекстер боюнча да түшүндүрүү иштери жүргүзүлдү.
Жергиликтүү жашоочулар тарабынан көтөрүлгөн маселелер РИИБдүн жетекчилиги жана жергиликтүү бийлик өкүлдөрүнүн көзөмөлүнө алынып, тургундарга КР президентинин аз камсыз болгон үй-бүлөлөргө электр энергиясын арзандатуу, ошондой эле дыйкандарды жана фермерлерди үстөк пайызы аз насыялар менен камсыздоо боюнча жарлыгы тууралуу маалыматтар жеткирилди.
Пикир
Оставить комментарий