Бишкек, 22.03.19. /Кабар/. Өзгөчө кырдаалдар министрлигинин Жалал-Абад облусу боюнча башкармалыгы тарабынан “Өрт-тилсиз жоо” аттуу сүрөт тартуу боюнча сынактар өткөрүлдү.
Иш-чаранын башкы максаты - жаш балдардын от менен ойноосунан келип чыгуучу өрт кырсыктардын алдын алуу, жеткинчектердин өрт коопсуздугу боюнча аң-сезимин жогорулатуу.
"Иш-чаралар Тогуз-Торо районунда жана Таш-Көмүр шаарында уюштурулуп, мектеп мугалимдери жана өзгөчө кырдаалдар бөлүмүнүн кызматкерлеринен турган калыстар тобу тарабынан жеңүүчүлөр аныкталып, алкыш баракчалары жана баалуу белектер менен сыйланышты", - деп кабарлашты ӨКМдин басма сөз кызматынан.
Эскерте кетсек, “Өрт-тилсиз жоо” аттуу сүрөт тартуу боюнча сынактары облустун башка район, шаарларындагы мектептеринде да улантылат.
Пикир
Оставить комментарий