Бишкек, 27.04.22./Кабар/. Бүгүн, 27-апрелде Жалал-Абад шаарында бош орундардын жарманкеси өттү. Бул тууралуу шаардык мэриянын басма сөз кызматы билдирет.
Жарманке Жалал-Абад шаардык мэриясы жана шаардык Эмгек жана социалдык өнүктүрүү башкармалыгы тарабынан уюштурулуп, өткөрүлдү. Жарманкеде 300гө жакын бош жумушчу орундары сунушталды.
Иш-чарага Жалал-Абад шаарынын вице-мэри Гүлбарчын Таштанбекова, шаардагы мекеме-ишканалардын өкүлдөрү, окуу жайлардын студенттери жана жумуш издеген жарандар катышты.
Белгилей кетсек, калктын жашоо-шартын жакшыртуу, сырткы эмгек миграциясын кыскартуу, ишкердикти өнүктүрүү багытында мындай жарманке жылына 2 ирет өткөрүлүп турат.
Пикир
Оставить комментарий