Бишкек, 30.04.22. /Кабар/. Жалал-Абад шаардык мэриясы имараты жок мамлекеттик мекемелер пайдаланып келген бала бакчаларды муниципалдык менчикке кайтарып, кайрадан өз багытында иштетүү аракетин баштады.
Муниципалитеттен билдиришкендей, Финансы министрлигинин Жалал-Абад башкармалыгы пайдаланып келген бала бакчанын имаратын муниципалдык менчикке өткөрүп алууга шаардык кеңештин депутаттары макулдук берди.
Алдыда аталган имарат жергиликтүү бюджеттин эсебинен оңдоп-түзөөдөн өткөрүлүп, кайрадан жеткинчектер үчүн эшигин ачат.
Учурда бала бакчанын имаратында иш алып барып жаткан шаардык ички иштер бөлүмүнүн жана облустук юстиция башкармалыгынын имараттарын да кайтаруу боюнча иш жүрүүдө.
Пикир
Оставить комментарий