Бишкек, 11.07.21. /Кабар/. Жалал-Абад шаарында сууга чөгүүлөрдүн алдын алуу боюнча рейд өткөрүлдү. Бул тууралуу Жалал-Абад шаардык мэриясынын басма сөз кызматы билдирет.
Маалыматка ылайык, рейдге Жалал-Абад шаардык мэриясынын, Жалал-Абад ШИИБнин жана ӨКМдин кызматкерлери катышты.
Учурда өспүрүмдөрдүн дарыя жээктеринде, каналдарда, бассейндерде ата-энесинин көзөмөлү жок жүрүп, кырсыкка кабылган учурлары кездешүүдө. Андай учурлардын алдын алуу максатында жеринде түшүндүрүү иштери жүргүзүлдү.
Адистер сууга түшүүдө өспүрүмдөр сөзсүз ата-энеси же туугандары менен болуусу зарылдыгын эскертет.
Пикир
Оставить комментарий