Бишкек, 22.02.22. /Кабар/. Бүгүн, 22-февралда Жалал-Абад шаарындагы Барпы театрында 23-февраль - Ата Мекенди коргоочулар күнүнө карата салтанаттуу майрамдык иш-чара өттү. Бул тууралуу мэриянын басма сөз кызматы билдирди.
Маалыматка ылайык, ага Жалал-Абад шаарынын вице-мэри Гүлбарчын Таштанбекова Жалал-Абад шаардык ардагерлер кенешинин төрагасы Дүйшөн Мамасалиев, мэриянын аппарат жетекчиси Эрнист Зияйдинов, аскер кызматкерлери катышты.
Иш-чарада ар бир инсан мекенди коргоого жана аны көздүн карегиндей сактоого милдеттүү экени белгиленип, мекен коргоочуларга арналган ыр-бийлер тартууланды.
Пикир
Оставить комментарий