Бишкек, 13.01.20. /Кабар/. Жалал-Абад шаарынын тургундары үй-бүлөлүк дарыгерлер тобунда кезек күтүү убаракерчилигинен арылышты. Анткени аталган жайларда автоматташтырылган электрондук кезек системасы иштей баштады. Бул тууралуу Жалал-Абад шаардык мэриясынан билдиришти.
Маалыматка ылайык, электрондук кезекке туруу үчүн үйдө олтуруп, уюлдук телефон же компьютер аркылуу “registratura.med.kg” дареги боюнча дарыгерлердин бош убактыларын билип, анкета толтуруу керек.
2019-жылдын 26-декабрынан башталган электрондук кезек системасы аркылуу ушул убакытка чейин шаар боюнча 1022 бейтап кайрылган. Электрондук система аркылуу бейтаптардын гана эмес дарыгерлердин да убактыларын үнөмдөөгө шарт жаралып жатат.
Эскерте кетсек, Жалал-Абад шаарында 8 үй-бүлөлүк дарыгерлер тобу жайгашып, калаанын жалпы 110 миңден ашуун калкын медициналык жактан тейлеп келет.
Пикир
Оставить комментарий