Бишкек, 26.11.21. /Кабар/. Жалал-Абад шаарындагы №2 К.Закиров атындагы орто мектептин 8-классынын окуучуларынын арасында “Биз дени сак өлкөдө жашайбыз!” аталышындагы таймаш өттү. Бул тууралуу Жалал-Абад шаардык мэриясынын басма сөз кызматы билдирет.
Маалыматка ылайык, иш-чара 1-декабрь - Бүткүл дүйнөлүк СПИДге каршы күрөшүү күнүнө карата өткөрүлдү.
Ага Жалал-Абад облустук СПИДге каршы күрөшүү жана алдын алуу борборунун дарыгери Айжан Эрматова, мугалимдер, окуучулар жана ата-энелер катышты.
Таймаштын жыйынтыгында мыкты даярдык менен келген 8 -“А” классынын окуучулары 1-орунду жеңип, белектерге ээ болушту. Ошондой эле окуучуларга аталган илдеттин алдын алуу жолдору түшүндүрүлдү.
Белгилей кетсек, ушул жылдын 10 айында Жалал-Абад шаары боюнча 405 жаран ВИЧ илдетине чалдыкканы аныкталган.
Пикир
Оставить комментарий