Бишкек, 16.03.22. /Кабар/. Кечээ, 15-мартта Жалал-Абад шаарында тынымсыз жааган жамгырдан улам турак үй урап түштү. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, саат 23:15 чамасында жаандын кесепетинен Нагорная көчөсүндө жайгашкан №171 турак үйдүн дубалын жууп, Барпы-Сейил көчөсүндө жайгашкан №182 турак үйгө көчүп түшкөн.
Белниленгендей, кырсыктан жабыркагандар жок. 2 турак үйдөгү жалпы 22 адам кошуналардын үйлөрүнө убактылуу көчүрүлгөн. Ал эми Ж.Бакиев көчөсүндө жайгашкан 71/8 турак үйдүн короосун суу каптаган.
Жалал-Абад шаардык №20 ӨКБдан 3 куткаруучу тартылган.
Тартылган күч каражаттардын жардамында суулар мотопомпанын жардамында сордурулган.
Пикир
Оставить комментарий