Бишкек, 13.12.18. /Кабар/. Жалал-Абад облусунун Токтогул районунда жол кырсыгы катталып, 3 адам каза болгон. Кырсык кечээ, 12-декабрда болжол менен саат 05:25тер чамасында катталган.
Өзгөчө кырдаалдар министрлигинен кабарлашкандай, Бишкек-Ош унаа жолун 307-чакырымында “Мерседес-Бенц” үлгүсүндөгү оор жүк ташуучу жана “Митсубиси” үлгүсүндөгү жеңил автоунаа кагылышкан.
Кырсыктын кесепетинен 3 эркек адам каза болуп, дагы 3 жүргүнчү жабыркаган.
Кырсык болгон жерге куткаруучулар барып, маркумдардын денесин унаадан чыгарышкан. Ал эми жабыркагандар тез жардам кызматы аркылуу ооруканага жеткирилген.
Пикир
Оставить комментарий