Бишкек, 17-апрель /Кабар/. Кыргыз Республикасынын Жогорку Кеӊешинин расмий веб-порталынын мобилдик нускамасы ишке кирди. Бул тууралуу Жогорку Кеӊештин басма сөз кызматы билдирди.
Бүгүнкү күндөгү статистикалык маалыматтарга таянсак, парламенттин ишмердүүлүгү менен таанышуу үчүн www.kenesh.kg сайтына кирген интернет колдонуучулардын 15%ы мобилдик каражаттарды жана планшеттерди пайдаланышат. Ага ылайык, мобилдик нускаманы киргизилиши менен сайтты пайдалануу жеӊилдеп, трафик жана убакыттан үнөмдөөгө мүмкүнчүлүк жаралат. Натыйжада бул жааттагы колдонуучулардын саны дагы 50%га жогорулашы күтүлүүдө.
Белгилей кетсек, парламенттин сайтын техникалык жактан кайрадан иштеп чыгуу жана мобилдик каражаттарга ылайык оптималдаштыруу, мамлекеттик бийликтин мыйзам чыгаруу бутагынын ачык-айкындуулугун арттырууга багытталган.
Пикир
Оставить комментарий