Ош, 05.11.18. /Кабар/. Оштун аймагында 2018-жылдын январь-октябрь айлары аралыгында 223 өрт кырсыгы катталган. Бул тууралуу ӨКМдин Ош шаардык башкармалыгынан кабарлашты.
Жалпы чыгым 46 млн. 302 миң сомду түзгөн. Өрт өчүрүүчүлөр 7 млн. сомдук мүлктү сактап калууга үлгүрүшкөн.
10 айдын ичинде тилсиз жоонун кесепетинен 2 адам каза болуп, жетөө жабыркаган.
Катталган өрттүн дээрлик көбү электр ширетүү иштеринде өрт коопсуздук эрежелеринин бузулушунан улам келип чыккан.
Пикир
Оставить комментарий