Бишкек, 28.08.18. /Кабар/. Кыргызгидромет борбору 28-августтан 1-сентябрга чейин өлкө аймагында күтүлгөн аба ырайы тууралуу болжолдуу маалымат таратты.
Ага ылайык, 28-август күнү тоолуу райондордо өткүн өтүп, күн күркүрөшү күтүлөт. Дыйканчылык аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.
29-30-август күндөрү Чүй, Ысык-Көл, Нарын облустарынын көпчүлүк аймактарда, Талас, Ош, Жалал-Абад, Баткен облустарынын тоо этектеринде жана тоолуу райондорунда жаан жаап, күн күркүрөшү, бийик тоолуу райондордо кар жаашы күтүлөт. Талас, Ош, Жалал-Абад, Баткен облустарынын өрөөндөрүндө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарында 15-20 метрге жетиши күтүлөт.
31-августта түнкүсүн Ысык-Көл облусунда жаан жаап, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши күтүлөт.
31-августта күндүз жана 1-сентябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.
2-3-сентябрь күндөрү өлкө аймагында жаан-чачын күтүлбөйт. Абанын температурасы дээрлик өзгөрүлбөйт.
Лейлек, Талас, Базар-Коргон райондорунун токойлорунда өрттүн болуп кетүү коркунучу жогору, калган аймактардын токойлорунда өрттүн коркунучу аз.
Пикир
Оставить комментарий